اسلام 24/7 : جنوبی لبنان کے قصبے قبارخا میں صیہونی فضائی حملے نے ایک موٹر سائیکل کو نشانہ بنایا جس کے نتیجے میں ایک شخص شہید اور ایک زخمی ہو گیا۔ لبنانی ٹی وی ‘المنار’ کے مطابق یہ حملہ جنگ بندی کی خلاف ورزیوں میں نئی تیزی کا حصہ ہے۔
‘المنار’ کے نامہ نگار نے بتایا کہ تلّوسة قصبے پر بھی اسرائیلی فضائی حملہ کیا گیا، جبکہ تبنین میں ایک اسرائیلی ڈرون رہائشی گھروں کے قریب اشتعال انگیز طریقے سے گھومتا رہا۔
مزید پڑھیں : جنوبی لبنان پر اسرائیلی حملے جاری: طیبہ اور خیام میں مکانات دھماکوں سے مسمار، شبعا میں بلڈوزروں سے نئی سڑک کی تعمیر
نامہ نگار کے مطابق صیہونی توپ خانے نے حاریس اور حدّاثا کے درمیان علاقے پر گولہ باری کی۔ ‘المنار’ نے قبارخا میں حملے کے فوراً بعد سڑک پر جلے ہوئے موٹر سائیکل کی تصاویر بھی دکھائیں۔
لبنان میں مزاحمتی حلقے ان حملوں کو جنگ بندی کے معاہدے کی کھلی خلاف ورزی قرار دیتے ہیں اور کہتے ہیں کہ جنوبی لبنان کے شہری اور قصبے مسلسل نشانے پر ہیں۔
واضح رہے کہ جنگ بندی کے باوجود جنوبی لبنان پر اسرائیلی فضائی، ڈرون اور توپ خانے کے حملے جاری ہیں جن میں بارہا شہری ہلاکتیں رپورٹ ہو چکی ہیں۔