اسلامی انقلاب گارڈز کور (IRGC) نے کہا ہے کہ امریکی جارحیت کے ابتدائی جواب میں اس نے بحرین اور کویت میں 85 امریکی فوجی اہداف پر میزائلوں اور ڈرونز سے حملے کیے۔
IRGC کے بیان کے مطابق حملوں میں بحرین کے پورٹ سلمان اور امریکی پانچویں بیڑے کے علاقے اور کویت کے علی السالم ایئر بیس کو نشانہ بنایا گیا۔ اس کے علاوہ ایک MQ-9 ڈرون بھی مار گرایا گیا جو آپریشن میں مداخلت کرنے کی کوشش کر رہا تھا۔
یہ بھی پڑھیں : دھونس کا دور ختم، خود دفاع کا حق استعمال کریں گے، ایرانی وزارت خارجہ
IRGC کے ترجمان بریگیڈیئر جنرل حسین محمدی نے بتایا کہ یہ ڈرون بشہر صوبے کے آسمان میں مار گرایا گیا۔
بیان میں کہا گیا کہ یہ حملے شہید رہبر حضرت آیت اللہ سید علی خامنہ ای کی جنازہ تقریبات کو دھندلا کرنے کی امریکی کوشش تھیں جو واشنگٹن کے لیے بڑی سیاسی ناکامی تھی۔
IRGC نے واضح کیا کہ ایران کی فوجی قوتیں اپنے علاقے پر جارحیت کا “کچلنے والا جواب” دیں گی۔
واضح رہے کہ آیت اللہ خامنہ ای 28 فروری کو امریکہ اسرائیل کی جارحیت کے پہلے روز شہید ہوئے تھے۔
تہران میں مرکزی جنازہ جلوس پیر کو ہوا، قم میں منگل کو اور آج بدھ کو نجف اور کربلا میں خصوصی مراسم جاری ہیں۔ تدفین جمعرات کو مشهد میں ہوگی۔