ایرانی پارلیمنٹ کے اسپیکر محمد باقر قالیباف نے حالیہ امریکا اسرائیل جارحیت کے دوران پاکستان کی حمایت کا شکریہ ادا کیا ہے۔
ہفتہ کے روز پاکستان کے سینیٹ چیئرمین یوسف رضا گیلانی سے ملاقات میں قالیباف نے کہا کہ دوست ممالک مشکل وقت میں ایک دوسرے کا ساتھ دیتے ہیں۔
انہوں نے کہا، “ہم پاکستانی عوام اور حکام کا، خاص طور پر رمضان جنگ کے دوران، ہمیشہ شکرگزار رہے ہیں۔”
یہ ملاقات شہید رہبر انقلاب اسلامی حضرت آیت اللہ سید علی خامنہ ای کی الوداعی تقریب اور جنازہ پروسیشن کے موقع پر ہوئی۔
یہ بھی پڑھیں : شہید رہبرؒ کی الوداعی تقریب کا آغاز، تہران میں لاکھوں کا ہجوم
گیلانی نے شہید آیت اللہ خامنہ ای کی شہادت پر ایرانی عوام اور قیادت سے تعزیت کا اظہار کیا اور تہران کے متعدد دوروں کا ذکر کیا۔
انہوں نے کہا کہ ان کے بیشتر دورے آیت اللہ خامنہ ای کی قیادت کے زمانے میں ہوئے اور اس عرصے میں ایران میں ترقی کے بہت بڑے مراحل دیکھے۔
“ایران کی ترقی دیکھ کر مجھے ملک کے روشن مستقبل پر یقین ہے۔ جیسے جیسے ایران آگے بڑھے گا، خطے میں امن و استحکام بھی بڑھے گا”، انہوں نے کہا۔
پاکستانی سینیٹ چیئرمین نے پارلیمانی تعاون بڑھانے پر زور دیتے ہوئے کہا کہ دونوں ممالک کی پارلیمانوں کے درمیان قریبی رابطوں، حکام کے تبادلے اور عوامی روابط سے تعلقات مزید مضبوط ہو سکتے ہیں۔
واضح رہے کہ دوسری امریکا اسرائیل جارحیت کے 40 دن بعد پاکستان نے تہران اور واشنگٹن کے درمیان سیز فائر کرانے میں اہم کردار ادا کیا تھا جس کے نتیجے میں امریکی صدر ڈونلڈ ٹرمپ اور ایرانی صدر مسعود پزشکیان کے درمیان مفاہمتی یادداشت پر دستخط ہوئے۔