اسلامی جمہوریہ ایران کی فوج نے خبردار کیا ہے کہ ملک کے خلاف دشمن کی کسی بھی غلط فہمی کا جواب “کچلنے والا” ہوگا۔
فوج کے ترجمان بریگیڈیئر جنرل محمد اکرمینیا نے تہران کے امام خمینی مصلیٰ میں شہید رہبر حضرت آیت اللہ سید علی خامنہ ای کی نماز جنازہ کے موقع پر ایرنا نیوز ایجنسی سے گفتگو کرتے ہوئے یہ باتیں کہیں۔
انہوں نے کہا، “ہم نے بار بار کہا ہے کہ ہم سیز فائر کے موقع کا فائدہ اٹھا کر اپنی جنگی صلاحیتوں کو بڑھا رہے ہیں اور اس سلسلے میں ایک لمحہ بھی ضائع نہیں کر رہے۔”
یہ بھی پڑھیں : قم میں شہید رہبرؒ کی تشییع: آیت اللہ جوادی آملی امامت کریں گے
انہوں نے مزید کہا کہ “اگر دشمن کوئی غلطی کرتے ہیں تو یقیناً ایرانی مسلح افواج کی طرف سے کچلنے والا اور فیصلہ کن جواب دیا جائے گا۔”
واضح رہے کہ امریکہ اور اسرائیل نے 28 فروری کو آیت اللہ خامنہ ای اور ان کے چند اہل خانہ کی شہادت کے ذریعے ایران کے خلاف جارحیت شروع کی تھی۔ تاہم 40 دن بعد 8 اپریل کو ایرانی مزاحمت، کامیاب جوابی کارروائیوں اور آبنائے ہرمز پر مضبوط گرفت کے باعث دشمن سیز فائر پر مجبور ہو گئے۔
17 جولائی کو پاکستان کی ثالثی میں تہران اور واشنگٹن کے درمیان مفاہمتی یادداشت پر دستخط ہوئے جس میں تمام محاذوں پر مستقل جنگ بندی اور 60 دن کے اندر حتمی معاہدے کی بات چیت کا عزم کیا گیا۔
فوج کے ترجمان نے شہید رہبر کی الوداعی تقریب میں عوام کی بڑی تعداد پر اظہار تشکر کرتے ہوئے کہا کہ یہ “ابدی حماسہ” یقیناً مسلم اقوام کو بیدار کرے گا اور عالمی استکبار کے خاتمے کا باعث بنے گا۔