اسلام247 :بہمن چوبی، جو اسرائیلی جاسوسی ادارے کے لیے جاسوسی میں ملوث پایا گیا تھا، کو آج صبح قانونی کارروائی مکمل ہونے کے بعد پھانسی دے دی گئی۔
تفصیلات کے مطابق، بہمن چوبی اصل نامی جاسوس ڈیٹا بیس سسٹمز کا ماہر تھا اور ایک کمپنی میں کام کے دوران اپنی مہارت کے ذریعے ملک کے اہم اور ٹیلی کمیونیکیشن منصوبوں تک رسائی حاصل کر چکا تھا۔
چوبی کمپنی کے تمام منصوبوں میں مینیجر کے طور پر کام کرتا رہا اور اسے قومی و خودمختار اہم ڈیٹا بیسز تک اعلیٰ سطح کی رسائی حاصل تھی، جس کا فائدہ اٹھاتے ہوئے اس نے اسرائیلی خفیہ ادارے کے ساتھ جان بوجھ کر وسیع پیمانے پر تعاون کیا۔
یہ بھی پڑھیں: ایران میں موساد کے لیے جاسوسی کرنے والے بابک شہبازی کو تختہ دار پر لٹکا دیا گیا
جاسوس نے حساس منصوبوں اور ڈیٹا بیسز کے حوالے سے اہم معلومات فراہم کیں، جس کے بعد اس کے خلاف تحقیقات کا دائرہ وسیع کیا گیا اور بالآخر عدالتی فیصلے کے تحت اسے سزائے موت سنائی گئی۔