امریکی رکن کانگریس گریک کاسار نے ٹرمپ کی جنگ پسند پالیسیوں پر سخت تنقید کی ہے۔
گریک کاسار نے اپنے ایک ایکس پوسٹ میں لکھا ہے کہ امریکی عوام ایران سے جنگ کے خواہاں نہیں ہیں۔
انہوں نے مزید لکھا کہ میں نے عمر بھر اس بات کا مشاہدہ کیا ہے کہ ہمارے سیاستدانوں نے دوسروں کے بچوں اور امریکی فورسز کو کبھی ختم نہ ہونے والی جنگوں میں اور موت کے منہ میں دھکیلا ہے، لیکن اب بہت ہوچکا!
قابل ذکر ہے کہ امریکی حکام ایران کے ساتھ مذاکرات کے موقع پر بھی، تہران کے خلاف جارحیت کی دھمکیاں دے رہے ہیں۔
یاد رہے کہ رہبر انقلاب اسلامی نے 17 فروری کے اپنے خطاب میں امریکی حکام کو خبردار کیا تھا کہ دنیا کی سب سے بڑی فوج کو بھی بعض اوقات ایسا طمانچہ لگ سکتا ہے جس سے وہ پھر کبھی کھڑی نہ ہوسکے۔