امریکی نشریاتی ادارے نے دعویٰ کیا ہے کہ ایران نے تیل کی رسد کی اہم آبی گزرگاہ آبنائے ہرمز میں بارودی سرنگیں بچھانا شروع کر دیں۔
انٹیلی جنس ذرائع نے سی این این کو بتایا ہے کہ حالیہ دنوں میں صرف چند درجن سرنگیں بچھائی گئی ہیں، پاسداران روایتی بحریہ کے ساتھ آبنائے ہرمز پر مؤثر کنٹرول رکھتی ہے۔
ایران کے پاس یہ صلاحیت موجود ہے کہ آبی گزرگاہ میں سینکڑوں بارودی سرنگیں بچھا دے، جنگ کے آغاز سے یہ اہم آبی گزر گاہ عملی طور پر بند ہے۔
خلیج میں اب تقریباً 1 کروڑ 50 لاکھ بیرل یومیہ خام تیل کی پیداوار ہو رہی ہے، اس کے علاوہ 45 لاکھ بیرل یومیہ ریفائن شدہ ایندھن پھنس کر رہ گیا ہے۔
کویت اور عراق جیسے تیل پیدا کرنے والے ممالک کے پاس آبنائے ہرمز کے ذریعے تیل بھیجنے کے علاوہ کوئی متبادل راستہ موجود نہیں ہے۔