اسلام247 :ہالی ووڈ رپورٹر کے مطابق، مشہور امریکی گلوکار بروس اسپرنگسٹین نے کہا ہے کہ انہیں اس بات کی کوئی پرواہ نہیں کہ سابق صدر ڈونلڈ ٹرمپ ان کے بارے میں کیا سوچتے ہیں۔
بروس اسپرنگسٹین نے اپنے تازہ انٹرویو میں امریکی جریدے ٹائم سے گفتگو کرتے ہوئے کہا کہ وہ اپنے بیانات پر قائم ہیں جو انہوں نے رواں سال کے آغاز میں اپنے ٹور سرزمین امید اور خوابوں کے دوران دیے تھے، جب انہوں نے ٹرمپ انتظامیہ کو ’’فاسد، نااہل اور غدار‘‘ قرار دیا تھا۔ اس دوران انہوں نے اپنے مداحوں سے اپیل کی تھی کہ وہ آمریت کے خلاف آواز بلند کریں اور آزادی کو فریاد کرنے دیں۔
یہ بھی پڑھیں : ٹرمپ نے ان بیانات کے جواب میں اپنی سوشل میڈیا ایپ پر اسپرنگسٹین کو ’’احمق کتا‘‘ اور ’’خشک آلوچہ‘‘ قرار دیا تھا اور کہا تھا کہ وہ خاموش رہیں ورنہ ان کے لیے حالات مشکل ہو جائیں گے۔
اسپرنگسٹین نے ان الزامات پر ردِعمل دیتے ہوئے کہا کہ
> ’’میں نے ہمیشہ وہی رہنے کی کوشش کی ہے جو میرے گانے ظاہر کرتے ہیں۔ میں ٹرمپ جیسے شخص کے بارے میں خاموش نہیں رہ سکتا۔ اس نے عوام کو جھوٹ سے گمراہ کیا اور وہ صرف اپنی ذات اور اپنے چند ارب پتی حامیوں کے لیے کام کرتا ہے۔‘‘
انہوں نے مزید کہا کہ امریکیوں کی ایک بڑی تعداد نے ٹرمپ کی طاقت اور جبر پر مبنی سیاست کو آسانی سے قبول کر لیا ہے، جس پر اب کھلے دل سے بات کرنے کی ضرورت ہے۔
اسپرنگسٹین نے ڈیموکریٹک پارٹی کو بھی تنقید کا نشانہ بنایا اور کہا کہ:
> ’’ہمیں ایک مؤثر متبادل پارٹی کی ضرورت ہے یا ڈیموکریٹس کو ایسا رہنما سامنے لانا ہوگا جو اکثریت سے بات کر سکے۔ ان کی زبان اور عوام سے جڑنے کا انداز مؤثر نہیں ہے۔‘‘
بروس اسپرنگسٹین امریکا کے سب سے مشہور گلوکاروں، نغمہ نگاروں اور موسیقاروں میں شمار ہوتے ہیں۔ ان کے گیت عام طور پر محنت کش طبقے کی مشکلات اور جدوجہد کی عکاسی کرتے ہیں، اسی لیے انہیں ’’امریکی مزدوروں کی آواز‘‘ کہا جاتا ہے۔