اسلام247: پاکستان کرکٹ بورڈ (پی سی بی) کے چیئرمین محسن نقوی نے قومی کرکٹ ٹیم کو بھارت کے خلاف ایشیا کپ کے تاریخی فائنل میں کھلی چھوٹ دے دی ہے۔
چیئرمین پی سی بی نے کھلاڑیوں کو پیغام دیا
> “بھارت کے خلاف فائنل مقابلے میں جو کرنا ہے کریں، باقی میں سنبھال لوں گا۔”
محسن نقوی نے شاہینوں کو ہدایت کی کہ وہ بے خوف ہوکر کھیلیں اور میدان میں اپنی بھرپور صلاحیتوں کا مظاہرہ کریں۔
دوسری جانب، پاکستان وائٹ بال ٹیم کے ہیڈ کوچ مائیک ہیسن نے سماجی رابطے کی ویب سائٹ ’ایکس‘ پر اپنے پیغام میں کہا:
> “اس ٹیم نے ایشیا کپ سے پہلے اور اس کے دوران جو جذبہ دکھایا ہے، اس پر مجھے فخر ہے۔ ہم نے شاید پہلے اچھا کھیل پیش نہیں کیا تھا لیکن میں یقین دلاتا ہوں کہ ہم کبھی ہار نہیں مانتے۔”
واضح رہے کہ پاکستان اور بھارت کی ٹیمیں ایشیا کپ کی 41 سالہ تاریخ میں آج پہلی بار فائنل میں آمنے سامنے آئیں گی۔ میگا ایونٹ کے آخری مقابلے کے تمام ٹکٹس فروخت ہو چکے ہیں۔
ٹی 20 ایشیا کپ کا فائنل آج شام ساڑھے 7 بجے دبئی اسٹیڈیم میں شروع ہوگا، جہاں کروڑوں شائقین اس ہائی وولٹیج میچ کا انتظار کر رہے ہیں۔