اسلام247 : ایشیا کپ سپر فور — بھارت کا 172 رنز ہدف کے تعاقب میں برق رفتار آغاز
ایشیا کپ سپر فور راؤنڈ کے دوسرے مقابلے میں پاکستان کے 172 رنز ہدف کے تعاقب میں بھارت کی بیٹنگ جاری ہے۔ دبئی کرکٹ اسٹیڈیم میں کھیلے جا رہے میچ میں بھارت نے 5 اوورز میں بغیر کسی نقصان کے 55 رنز بنا لیے ہیں۔
اس سے قبل پاکستان نے پہلے بیٹنگ کرتے ہوئے 5 وکٹوں کے نقصان پر 171 رنز اسکور کیے۔ ٹاپ آرڈر بلے باز صاحب زادہ فرحان نے شاندار 45 گیندوں پر 58 رنز کی اننگز کھیلی جس میں 5 چوکے اور 3 چھکے شامل تھے۔
پاکستانی بلے بازوں نے میچ کے آغاز سے ہی بھارتی باؤلرز کے خلاف جارحانہ شاٹس کھیلے۔ اوپنر فخر زمان 9 گیندوں پر 15 رنز بنا کر پویلین لوٹے، تاہم ان کے کیچ کو بیشتر کرکٹرز نے مشکوک قرار دیا۔
ٹاپ آرڈر کے دیگر بیٹرز میں صائم ایوب نے 17 گیندوں پر 21 رنز، حسین طلعت نے 11 گیندوں پر 10 رنز اسکور کیے، جب کہ محمد نواز 19 گیندوں پر 21 رنز بنا کر رن آؤٹ ہوئے۔
بھارت کے شیوم دھوبے نے 2 وکٹیں حاصل کیں جبکہ کلدیپ یادو اور ہاردیک پانڈیا کے حصے میں ایک، ایک وکٹ آئی۔
یہ بھی پڑھیں :پاکستان کی شرط — میچ ریفری نہ ہٹایا گیا تو ایشیا کپ کے بقیہ میچز نہیں کھیلیں گے
ٹاس کے موقع پر دونوں کپتانوں نے ایک بار پھر ہاتھ ملانے سے اجتناب کیا۔ روایتی حریف بھارت کے خلاف اس اہم مقابلے میں پاکستان کی پلیئنگ الیون میں 2 تبدیلیاں کی گئیں۔ حسین طلعت اور فہیم اشرف کو ٹیم میں شامل کیا گیا جبکہ حسن نواز اور صفیان مقیم کو اسکواڈ سے ڈراپ کر دیا گیا۔
پاکستان کی پلیئنگ الیون
کپتان: سلمان علی آغا
دیگر کھلاڑی: صائم ایوب، فخر زمان، محمد حارث، صاحب زادہ فرحان، محمد نواز، حسین طلعت، فہیم اشرف، ابرار احمد، شاہین شاہ آفریدی، حارث رؤف۔
واضح رہے کہ گروپ اسٹیج میں بھارتی ٹیم ناقابل شکست رہی تھی، جبکہ پاکستان نے 2 میچز جیتے اور ایک میں شکست کا سامنا کیا۔