پاکستان انٹرنیشنل ایئرلائن ( پی آئی اے نے ) اربعین زائرین کے لیے خصوصی پروازیں چلانے کا اعلان کردیا۔
ترجمان پی آئی اے کے مطابق8 سے 11 اگست کے دوران چار پروازیں کراچی سے روانہ ہوں گی، جبکہ زائرین کے لیے نجف سےواپسی کے لئے 18 سے 21 اگست کےد فمیان پروازیں شیڈول ہیں۔
ترجمان کے مطابق تمام پروازیں پر ٹکٹوں کی فروخت شروع کر دی گئی ہے، ضرورت پڑنے پر مزید پروازیں بھی شیڈول کی جائیں گی۔
خیال رہے کہ وفاقی وزیر داخلہ محسن نقوی نے کہا ہے کہ زائرین کو اس سال بذریعہ سڑک ایران و عراق جانے کی اجازت نہیں ہوگی۔
ڈان نیوز کے مطابق وفاقی وزیر داخلہ محسن نقوی نے سماجی رابطے کی ویب سائٹ ’ایکس‘ پر پیغام میں کہا کہ زیارت اربعین کے لیے عراق و ایران کےفضائی سفر کی اجازت ہوگی۔
وفاقی وزیرداخلہ کا کہنا تھا کہ یہ فیصلہ وزارت خارجہ، بلوچستان حکومت اور سیکیورٹی اداروں کی باہمی مشاورت کے بعد کیا گیا ہے، یہ مشکل فیصلہ عوام کے تحفط اور قومی سلامتی کے پیش نظر کیا گیا ہے۔