سابق وزیر اعلیٰ خیبر پختونخوا علی امین گنڈاپور نے اپنے وکیل کے توسط سے یوٹیوبر عمران ریاض خان کو ایک ارب روپے ہرجانے کا قانونی نوٹس ارسال کر دیا۔
یہ نوٹس حالیہ وی لاگ میں عائد کیے گئے الزامات کے تناظر میں بھیجا گیا جس میں عمران ریاض خان نے سابق وزیر اعلیٰ پر ایجنسیوں کی معاونت اور عمران خان کے اہلخانہ پر حملوں سے متعلق سنگین الزامات عائد کیے تھے۔
قانونی نوٹس میں مؤقف اختیار کیا گیا ہے کہ الزامات بے بنیاد اور ساکھ کو نقصان پہنچانے کے مترادف ہیں لہٰذا مقررہ مدت میں وضاحت اور معافی نہ آنے کی صورت میں مزید قانونی کارروائی عمل میں لائی جائے گی۔
اس معاملے میں جلد ہی مزید قانونی پیشرفت بھی متوقع ہے