وزارت خارجہ پاکستان نے آج اعلان کیا کہ ڈپٹی وزیراعظم اور وزیر خارجہ سینیٹر محمد اسحاق ڈار نے اسلامی جمہوریہ ایران کے وزیر خارجہ ڈاکٹر سید عباس عراقچی سے ٹیلی فون پر گفتگو کی۔ دونوں فریقوں نے مختلف شعبوں میں دو طرفہ تعاون کا جائزہ لیا اور علاقائی پیش رفت پر تبادلہ خیال کیا
ایرانی اور پاکستانی وزرائے خارجہ نے تجارتی و مواصلاتی تعاون اور عوامی روابط کو مزید مضبوط بنانے کے اپنے عزم کا اعادہ کیا اور علاقائی امن و ترقی کے لیے قریبی تعاون کے لیے باہمی عزم پر زور دیا۔ اسحاق ڈار اور عراقچی کے درمیان گزشتہ دو ہفتوں میں یہ دوسری ٹیلی فونی گفتگو ہے۔